कोरोना भाइरसको लक्षणसँग मिल्दोजुल्दो लक्षण देखिएकी एक सुत्केरीको मृत्यु भएपछि धुलिखेल अस्पतालमा अत्यावश्यक सेवाबाहेकका अन्य सेवा बन्द गरिएको छ ।

काठमाडौं महाराजगञ्जस्थित त्रिवि शिक्षण अस्पतालमा एकहप्ताअघि बच्चा जन्माएकी ती महिलामा कोरोना संक्रमणको आशंका अस्पताल सिल गरिएकाे हाे । मृतक सुत्केरी महिलाको स्वाब परीक्षण अघि बढाइएको अस्पताल प्रशासनले जनाएको छ ।

सिन्धुपाल्चोक, बाह्रबिसेकी ३० वर्षीया सुत्केरीको उपचारका क्रममा बिहीबार बेलुकी मृत्यु भएको हो । त्रिवि अस्पतालबाट घर फर्किएपछि कोरोना भाइरसको जस्तो लक्षण देखिएको र उनलाई उपचारका लागि धुलिखेल अस्पतालमा लगिएको थियो ।

काभ्रेका एसपी रविकुमार पौडेलले अहिले जिल्लामा सावधानी अपनाइएको जानकारी दिए ।

प्रकाशित समय १६:१२ बजे