केही  दिनयता नेपालमा कोरोना संक्रमिण बढ्दो क्रममा रहेको देखिएको छ । गएको २४ घन्टाभित्र ४ सय १८ जनामा कोरोना संक्रमण भएको स्वास्थ्य तथा जनसंख्या मन्त्रालयले जनाएको छ । सो अवधिमा देशभरका प्रयोगशालामा ७ हजार ६३७ नमुना परीक्षण गरिएको थियो ।

मन्त्रालयका प्रवक्ता डा. जागेश्वर गौतमले विभिन्न जिल्लामा थपिएकासहित देशभर संक्रमितको संख्या २० हजार ७ सय ५० पुगेको जानकारी दिए । यसमध्ये काठमाडौं उपत्यकाका ५१ जना रहेका छन् ।

उनका अनुसार देशभर ५ हजार ७ सय ३२ जना सक्रिय संक्रमित रहेका छन् । संक्रमितमध्ये १४ हजार ९ सय ६१ जना उपचारपछि घर फर्किएका छन् । आज मात्रै ३१८ जना कोरोना जितेर घर फर्किएका छन् ।

हालसम्म नेपालमा काेराेनाका कारण ५७ जनाको ज्यान गएको छ ।

प्रकाशित समय १६:२५ बजे