कोरोनाभाइरसको संक्रमण र त्यसका कारण हुने मृत्यु नेपालमा बढ्न थालेको छ । पछिल्लो २४ घन्टामा देशभर ६ सय ३८ जनामा कोरोना भाइरस संक्रमण भएको स्वास्थ्य तथा जनसंख्या मन्त्रालयले जनाएको छ । थपिएका संक्रमितमध्ये उपत्यकामा मात्रै १३४ जना रहेका छन् ।

मन्त्रालयका प्रवक्ता डा.जागेश्वर गौतमका अनुसार गत २४ घण्टाभित्र १० हजार ५ सय ६२ जनाको कोरोना परीक्षण गरिएको थियो । अब नेपालमा संक्रमितको संख्या २३ हजार ९ सय ४८ पुगेको छ ।

संक्रमितमध्ये १६ हजार ६ सय ६४ जना उपचारपछि घर फर्किएका छन् । मंगलबार १ सय ७१ जना डिस्चार्ज भएका छन् ।

हाल देशभर ७ हजार २०१ सक्रिय संक्रमित छन् ।  ८३ जनाको कोरोना भाइरसको संक्रमणबाट ज्यान गएको छ ।

प्रकाशित समय १६:३७ बजे