विश्वभर कोरोना संक्रमितको संख्या दुई करोड २३ लाख नाघेको छ । गएको २४ घण्टामा मात्रै दुई लाख ६२ जनामा कोरोना संक्रमण देखिएपछि कुल संक्रमितको संख्या दुई करोड २३ लाख ६ हजार ५३८ पुगेको हो ।

विश्व स्वास्थ्य संगठनका अनुसार विश्वभर भाइरसका कारण ज्यान गुमाउनेको संख्या पनि सात लाख ८४ हजारभन्दा बढी पुगेको छ । मंगलबार मात्रै विश्वभर सात हजार एक सय जनाले ज्यान गुमाएपछि मृतकको संख्या सात लाख ८४ हजार ३५३ पुगेको छ । त्यस्तै कुल संक्रमितमध्ये एक करोड ५० लाख ४७ हजार ७७९ जनाको सफल उपचार भएको छ ।

यो समाचार तयार पार्दासम्म विश्वभर ६४ लाख ७४ हजार ४०६ जनाको उपचार भइरहेको छ । उपचार भइरहेकामध्ये पनि ६२ हजारको स्वास्थ्य अवस्था चिन्ताजनक रहेको छ । उनीहरुको आइसोलेसनमा उपचार भइरहेको विश्व स्वास्थ्य संगठनले जनाएको छ ।

सबैभन्दा बढी प्रकोप फैलिएको अमेरिकामा कोरोना संक्रमितको संख्या ५६ लाख नाघेको छ । गएको २४ घण्टामा मात्रै अमेरिकामा ४३ हजार ९९९ जनामा संक्रमित थपिएपछि कुल संक्रमितको संख्या ५६ लाख ५५ हजार ९७४ पुगेको हो । त्यस्तै गएको २४ घण्टामा मात्रै एक हजार ३५८ जनाको ज्यान गएपछि अमेरिकामा ज्यान गुमाउनेको संख्या एक लाख ७५ हजार ०७४ पुगेको हो ।

त्यस्तै ३० लाख ११ हजारको सफल उपचार भएको छ भने २४ लाख ६९ हजारको उपचार भइरहेको अमेरिकी स्वास्थ्य विभागले जनाएको छ । विभागका अनुसार उपचाररत संक्रमितमध्ये १७ हजार ७४ जनाको स्वास्थ्य अवस्था चिन्ताजनक रहेको छ । ब्राजिलमा पनि संक्रमितको संख्या ३४ लाख ११ हजार नाघेको छ । गएको २४ घण्टामा मात्रै ४८ हजार ६३७ जनामा संक्रमित थपिएपछि कुल संक्रमितको संख्या ३४ लाख ११ हजार ८७२ पुगेको हो । त्यस्तै ज्यान गुमाउनेको संख्या पनि एक लाख १० हजार नाघेको छ । मंगलबार मात्रै ब्राजिलमा एक हजार ३६५ पुगेको छ ।

प्रकाशित समय १०:०८ बजे