विश्वभर कोरोनाभाइरस संक्रमण तीव्र गतिमा विस्तार भइरहँदा शक्तिशाली देशहरू नै कोरोनाबाट बढी प्रभावित भएका छन् । व्यवस्थित संसार मानिने अमेरिकाकै अर्थव्यवस्था अस्तव्यस्त भइसकेको छ भने मेडिकल साइन्समा निकै बलियो मानिने दक्षिण एसियाली देश भारतमा कोरोना नियन्त्रणबाहिर गइसकेको छ ।

शुक्रबार रातिसम्ममा विश्वभर ३ करोड ६८ लाखभन्दा बढी मानिस कोरोना संक्रमित भएका छन् भने मृत्यु हुनेको संख्या १० लाख ६८ हजार नाघेको छ । कुल संक्रमितमध्ये दुई करोड ७७ लाखभन्दा बढी मानिस ठिक भएका छन् भने करिब ८० लाख ५९ हजार मानिस सक्रिय संक्रमित छन् । तीमध्ये ६८ हजारभन्दा धेरैको स्वास्थ्य अवस्था जटिल छ ।

अमेरिकामा कोरोनाभाइरसको संक्रमितको संख्या ७८ लाख ३९ हजार नाघेको छ । पेसा, व्यवसाय खोल्ने कि नखोल्ने भन्ने विषयमा अन्योलमा रहेको अमेरिकामा कोरोनाभाइरस संक्रमणबाट विश्वको तुलनामा सबैभन्दा बढी मानिसको मृत्यु भएको छ ।

कोरोना संक्रमणबाट अमेरिकामा मृत्यु हुनेहरूको संख्या दुई लाख १७ हजार नाघेको छ । अमेरिकी राष्ट्रपति डोनाल्ड ट्रम्प र प्रथम महिला मेलानिया ट्रम्प दुवै संक्रमित भएका छन् ।

कोरोनाबाट सर्वाधिक प्रभावित देश

देश              कोरोना संक्रमित संख्या          मृतक

भारत           ६९ लाख २६ हजार                १ लाख ६ हजार

ब्राजिल         ५० लाख २९ हजार                 १ लाख ४९ हजार

रुस               १२ लाख ७२ हजार                २२ हजार

कोलम्बिया     ८ लाख ८६ हजार                 २७ हजार

स्पेन               ८ लाख ८४ हजार                 ३२ हजार

अर्जेन्टिना      ८ लाख                                  २२ हजार

पेरु                ८ लाख ३८ हजार                   ३३ हजार

मेक्सिको        ८ लाख ४ हजार                     ८३ हजार

दक्षिण अफ्रिका  ६ लाख ८६ हजार              १७ हजार

युरोपेली मुलुकहरु बेलायत, फ्रान्स, स्पेन र इटालीमा कोरोनाभाइरस संक्रमणको दोस्रो लहर सुरु भएको आंकलन गर्दै सार्वजनिक जनजीवनमा धेरै किसिमका प्रतिबन्ध घोषणा गर्न थालिएको छ ।

प्रकाशित समय २१:१४ बजे