कोरोना भाइरस संक्रमितको संख्या ६७ हजार नाघेको छ । पछिल्लो २४ घन्टामा ९ हजार ४ सय ४९ पीसीआर परीक्षण गर्दा देशभर १ हजार १ सय ७२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता डा. जागेश्वर गौतमले पछिल्लो २४ घन्टामा थपिएकासहित देशभर संक्रमितको संख्या ६७ हजार ८ सय ४ पुगेको जानकारी दिए । उनका अनुसार गएको २६ घण्टाभित्र १ हजार ८९३ जना संक्रमणमुक्त भएका छन् । योसँगै संक्रमणमुक्त हुनेको संख्या ४९ हजार ९५४ पुगेको छ ।

बुधबार देशभर १७ हजार ४ सय १४ जना सक्रिय संक्रमित रहेका छन् । हालसम्म ४ सय ३६ जनाको कोरोना संक्रमणले ज्यान गएको छ ।

प्रकाशित समय १६:३० बजे