हालका लागि देशभरको मौसममा प्रभाव पार्ने उल्लेखनीय मौसमी प्रणालीको प्रभाव छैन ।जसअनुसार हाल देशभरको मौसम सामान्यतया सफा रहेको जल तथा मौसम विज्ञान विभागले जनाएको छ ।

आज दिउँसो देशभरको मौसम सामान्यतया सफा रहने विभागले जनाएको छ । त्यसैगरी आज राति देशभरको मौसम सामान्यतया सफा रहने विभागले जनाएको छ । आज बिहान काठमाडौंको तापक्रम ८ डिग्री सेल्सियस रहेको छ । देशका धेरैजसो स्थानहरुको वायुको तापक्रममा गिरावट आउने र चिसो बढ्ने क्रम पनि जारी छ ।

यसका साथै तराइका भूभागमा बिहानीपख वायुको पारदर्शितामा कमी हुनेछ । जसबाट सडक तथा हवाई यातायात प्रभावित हुनसक्ने सम्भावना रहेकाले आवश्यक सतर्कता अपनाउन जल तथा मौसम विज्ञान विभागले आग्रह गरेको छ ।

प्रकाशित समय ०७:१४ बजे