अनसरनरत डा. गोविन्द केसीको स्वास्थ्य जटिल बन्दै गएपछि तीन दिनदेखि गहन छलफलमा जुटेका केसी पक्ष र सरकारी टोलीबीचको वार्ता अन्ततः निष्कर्षमा पुगेको छ । प्रधानमन्त्री निवास बालुवाटारमा केहीबेरअघि सम्पन्न वार्तामा दुवै पक्ष सहमतिमा पुगेका हुन् ।

सहमतिलार्इ अन्तिम रूप दिन अहिले सरकारी वार्ता टोली र डा. केसी पक्षबीच सिंहदरबारस्थित शिक्षा मन्त्रालयमा वार्ता भइरहेको छ । सहमतिमा हस्ताक्षर भएपछि अाजै केसीले अनसन तोड्ने केसी पक्षका वार्ता टोलीका एक सदस्यले न्युज कारोबारलार्इ बताए ।

बुधबार बिहान भएको सहमति साँझ भाँडिएपछि राति मध्यरातसम्म सहमतिको प्रयासमा दुवै पक्ष जुटेका थिए । राति २ बजेसम्म चलेको वार्तामा केसीका मागका विषयमा दुवै पक्ष सहमतिनजिक पुगेका थिए ।

बिहीबार बिहान पनि प्रधानमन्त्री केपी शर्मा ओलीसहित सुवास नेम्वाङ, केदारभक्त माथेमा, डा. धर्मकान्त बाँस्कोटा र प्रधानमन्त्रीका निजी चिकित्सक डा. दिव्यासिंह शाहले केसीका मागका विषयमा छलफल गरेका थिए ।

चिकित्सा शिक्षामा सुधारको मागसहित डा. केसी २७ दिनदेखि अनसरमा छन् ।

प्रकाशित समय १५:१८ बजे