नेपालको सूचना प्रविधि क्षेत्रको प्रतिष्ठित अवार्डको रुपमा चिनिएको ‘आइसिटी अवार्ड’ को चौथो संस्करणको तयारीका लागि देशका विभिन्न स्थानमा आइीसटी स्टार्टअप एण्ड इनोभेसन मेला आयोजना हुने भएको छ । लिभिङ विथ आइसिटीले हरेक वर्ष आयोजना गर्दै आइरहेको आइसिटी अवार्डको प्रि इभेन्ट क्यापियनको रुपमा बिराटनगर, बुटवल र नारायणगढमा स्टार्टअप मेला आयोजना हुन लागेको हो ।

बैशाख २७ र २८ गते बिराटनगरस्थित होटल स्टर्न स्टारमा, जेठ १० र ११ गते बुटवल र जेठ १७ र १८ गते नारायणगणमा स्टार्टअप एण्ड इनोभेसन मेला आयोजना हुने आयोजकले जनाएको छ । मेलामा स्थानिय स्टार्टअप आइटी कम्पनी, नयाँ आइटी प्रडक्ट, विद्यार्थीका आइटी प्रोजेक्टहरु र आइटी शिक्षासम्वन्धी स्टलहरु रहनेछन । कार्यक्रममा नयाँ प्रविधि, ट्रेन्ड्स र उद्यमशिलता सम्वन्धी सम्मेलनसमेत सञ्चालन हुनेछ । यसैगरी उत्कृष्ट स्टार्टअप र आइटी प्रडक्टहरुलाई विशेष सम्मान र थप लगानीको आवश्यक भएमा सहयोग गर्ने बताइएको छ ।

स्थानिय स्तरमा स्टार्टअप र विद्यार्थीलाई उपयुक्त प्लाटफर्म सृजना गर्ने र उत्कृष्टलाई राष्ट्रिय स्तरमा प्रवद्र्धनका साथै सम्मान गर्ने उद्देश्यले मेलाको आयोजना गरिएको कार्यक्रम संयोजक राजन लम्सालले बताए । काठमाडौवाहिर यस प्रकारको कार्यक्रम पहिलोपटक सञ्चालन हुन लागेको हो । यसले स्थानीय स्तरका स्टार्टअप, उद्यमी र इनोभेसनलाई प्रवद्धन गर्दै सम्भावना र अवसर सृजना गर्न सहयोग पुर्याउने उनले बताए ।

मेलामा बढिमा ५० स्टलहरु रहनेछन् । कार्यक्रममा सहभागी हुन धधध।दययपष्लन।ष्अतबधबचम।यचन मा गएर रजिस्ट्रेसन गर्नुपर्नेछ । स्टार्टअप र विद्यार्थीका प्रोजेक्टहरुलाई विशेष सहुलियतमा स्टल उपलब्ध गराइएको छ । प्रवेश निशुल्क हुने छ ।
यस वर्षको आइसिटी अवार्डको अनलाइन नोमिनेशन जेठ १ गतेदेखि २५ गतेसम्म खुल्ने जानकारी लिभिङ विथ आइसिटीले दिएको छ । चौथो संस्करणको रुपमा आयोजना हुन लागेको आइसिटी अवार्ड २०१९ मा यस पटक विभिन्न ९ विधामा अवार्ड वितरण गरिने छ । अवार्डको ग्राण्ड फिनाले साउन ३२ गते काठमाडांैमा हुनेछ ।

प्रकाशित समय १६:५५ बजे