सिटीसी मल सुन्धारामा रहेको सिटीसी मोबाइल हबले सञ्चालन गरिरहेको मोबाइल एक्सचेन्ज मेला अब एक दिनमात्र सञ्चालन हुनेछ । एउटा मोबाइल किन्दा अर्को एउटा सित्तैमा अफरसमेत रहेको मेला पुस १० गते मंगलबार क्रिसमसको दिनसम्म चल्ने आयोजकले जनाएको छ । साथै, क्रिसमस डेलाई लक्षित गरेर मोबाइल हबले एउटा मोबाइल किन्दा अनिवार्य रुपमा एउटा गिफ्ट पनि उपलब्ध गराउनेछ ।

मोबाइल मेलामा ग्याजेट पारखीहरुले आफूलाई मन परेको मोबाइल, ल्यापटप, क्यामेरा तथा एप्पलका आईफोन, आइप्याड, म्याकलगायतका सामग्री किस्ताबन्दीमा किन्न पाउनेछन् । मोबाइल एक्सचेन्ज अफरका साथै एउटा मोबाइल किन्दा अर्को एउटा मोबाइल सित्तैमा अफर मेलाको आकर्षण बनेको छ ।

नौ हजार ९ सय ९९ रुपैयाँदेखि २ लाख ३४ हजार रुपैयाँसम्मका मोबाइल किन्न सकिने हबमा ११ हजार रुपैयाँदेखि ३ लाख १५ हजार रुपैयाँसम्मका ल्यापटप, आइप्याड, म्याक बुकलगायतका सामान उपलब्ध छन् । ‘मेलामा जस्तोसुकै पुरानो मोबाइलको पनि उचित मूल्य पाउनुका साथै सट्टापट्टा पनि गर्न सकिन्छ,’ सिटीसी मोबाइल हबका प्रबन्धक जीवन श्रेष्ठले भने ।

प्रकाशित समय १६:१९ बजे