दक्षिण कोरियाका राष्ट्रपति मुन जाई–इनले आफ्नो कार्यकाल भरमा न्यूनतम पारिश्रमिक प्रतिघन्टा १० हजार वन पुर्याउने प्रतिवद्धतालाई पूरा गर्न नसकेकोमा क्षमायाचना गरेका छन् ।

मुनले आइतबार सार्वजनिक रूपमा क्षमायाचना गरेका हुन् । नीति निर्माणसम्बन्धी आफ्ना सेना प्रमुख किम साङ–जोमार्फत मुनले सन्देश जारी गरेका थिए । राष्ट्रपति मुनलाई उद्धृत गर्दै साङ–जोले भने, ‘राष्ट्रपतिका हैसियतमा मलाई निकै अफसोस लागेको छ किनकि मैले दक्षिण कोरियाली जनतासँग वाचा गरेअनुसार मुलुकको न्यूनतम पारिश्रमिकको लक्ष्यलाई पूरा गर्न सकिन ।’

दक्षिण कोरियाले श्रम तथा व्यापार प्रतिनिधि र विज्ञहरूको न्यूनतम पारिश्रमिक निर्धारण समितिमा भएको मतदानले अर्को वर्षदेखि लागू हुनेगरी २.९ प्रतिशत पारिश्रमिक वृद्धि गरेको थियो ।

अब दक्षिण कोरियाको न्यूनतम पारिश्रमिक प्रतिघन्टा ८ हजार ५ सय ९० वन कायम हुनेछ ।

प्रकाशित समय ०८:१९ बजे