पुस ७, २०७४ अमेरिकाले जेरुसेलमलाई राजधानीको मान्यता दिने निर्णय फिर्ता गर्नुपर्ने प्रस्तावको पक्षमा १ सय २८ मुलुकले मतदान गरेका थिए भने ९ वटा मुलुकले विपक्षमा मतदान गरेका थिए । अमेरिकाका छिमेकी मुलुक क्यानडा र मेक्सिको सहित ३५ राष्ट्र तटस्थ रहे ।

चीन, रुस, फ्रान्स, बेलायत, जर्मनी लगायत मुलुकले अमेरिकी निर्णय अस्वीकार गर्ने पक्षमा पक्षमा मतदान गरेका थिए । राष्ट्रसंघको पछिल्लो निर्णयलाई प्यालेस्टाइनले आफ्नो जीतको रुपमा व्याख्या गरेको छ भने इजरेललेअस्वीकार गरेको छ । यसअघि अमेरिकी राष्ट्रपति डोनल्ड ट्रम्पले राष्ट्रसंघमा जेरुसलेमबारे मतदानमा अमेरिकाको विपक्षमा उभिने राष्ट्रविरुद्ध आर्थिक सहायता राक्ने चेतावनी दिएका दिनुभएको थियो ।

इजरेलले मध्यपूर्वमा भएको युद्धका क्रममा सन् १९६७ मा जेरुसेलमको पूर्वी भागलाई आफ्नो नियन्त्रणमा थियो । हाल आएर इजरेलले समग्र जेरुसेलमलाई आफ्नो राजधानीको रुपमा लिदै आएको छ । यसलाई अन्तर्राष्ट्रिय समुदायले मान्यता दिएको छैन । जेरुसेलममाथि दाबी गर्दै आएको प्यालेस्टाईनले भने समग्र जेरुसेलमको बारेमा अन्तिम फैसला गर्नुअघि घनिभूत छलफल गरिनुपर्ने बताउँदै आएको छ ।

प्रकाशित समय ०३:४६ बजे