मुस्लिम धर्मगुरु मौलाना समी उल हकको शुक्रबार पाकिस्तानमा हत्या भएको छ । भारतीय समाचार एजेन्सी प्रेस ट्रस्ट अफ इन्डियाले जनाए अनुसार उल हकलाई रावलपिन्डीस्थित उनकै निवासमा अज्ञात समूहले हत्या गरेका हुन् । चक्कु प्रहार गरी उनको हत्या भएको समाचारमा जनाइएको छ ।

उल हकका छोरा मौलाना हमीदुल्लाहका अनुसार कोठामा आराम गरिरहेको समयमा उनको हत्या गरिएको हो । उनका गार्ड बजार गएको मौका छोपी आक्रमणकारीले उनीमाथि हमला गरेका थिए ।

कतिपयका लागि तालिवानका पिता मानिने ८२ वर्षीय हक खैबर पख्तुनख्वाको अकोरा खट्टक शहरमा इस्लामी मदरसा दारुल उलुम हक्कानियाको प्रमुख तथा कट्टरपन्थी राजनीतिक पार्टीका अध्यक्ष थिए ।

प्रकाशित समय १३:५६ बजे