कालीमाटी तरकारी बजारको अनुगमनमा गएका सरकारी टोलीलाई व्यवसायीले अवरोध गरेपछि घटनाबारे जानकारी लिन उद्योग, वाणिज्य तथा आपूर्ति मन्त्री मात्रिका यादव कालीमाटी तरकारी बजार पुगेका छन् ।

सोमबार बिहान अनुगमनका लागि गएको उद्योग, वाणिज्य तथा आपूर्ति विभागको टोलीलाई व्यापारीले नियन्त्रणमा लिएका थिए । तरकारीको मूल्य बढेको भन्दै उपभोक्ताको गुनासो आएपछि टोली बिहान ३ बजे अनुगमनका लागि कालीमाटी पुगेको थियो ।

अनुगमन टोली र व्यापारीबीच बिवाद भएपछि थप जानकारी लिन मन्त्री यादव र काठमाडौंका प्रमुख जिल्ला अधिकारी रामप्रसाद आचार्य कालीमाटी तरकारी बजार पुगेका हुन् ।

प्रकाशित समय १२:४० बजे