कञ्चनपुर भीमदत्त नगरपालिकाका छात्राहरुले प्रधानमन्त्री केपी शर्मा ओलीलाई पत्र लेख्दै आफ्नी साथी निर्मला पन्तको दोषी कहिले पक्राउ पर्छन् भनी प्रश्न गरेका छन् । निर्मलाका हत्यारा पत्ता नलाग्दा आफूहरु थप त्रसिद भएको उनीहरुले लेखेका छन् । निर्मलालाई न्याय दिलाएर आफूहरुलाई पनि सुरक्षित महशुस हुने वातावरण मिलाइदिन उनीहरुले प्रधानमन्त्री ओलीसँग आग्रह पनि गरेका छन् ।

निर्मलाका साथीहरु जानकी भट्ट, लक्ष्मी बडू, पूजा चन्द र गीता जोशीले प्रधानमन्त्रीलाई पत्र लेखेका हुन् । साथीको हत्या भएको ३७ दिन बितिसक्दा पनि हत्यारा पक्राउ नपरेको भन्दै उनीहरुले आफ्नो साथीका हत्याराबारे प्रधानमन्त्रीलाई सोधेका छन् ।

कक्षा १ देखि एकसाथ अध्ययन गर्दै आएका ४ जना सहपाठीहरूले प्रधानमन्त्रीलाई लेखेको पत्र राजधानी पठाइएको छ।

प्रकाशित समय ०७:१४ बजे