काठमाडौं उपत्यकामा युवतीमाथि श्रृंखलावद्ध सिरिन्ज आक्रमणमा संलग्न भएको अभियोगमा प्रहरीले एक जनालाई पक्राउ गरेको छ ।

शृंखलावद्ध सिरिन्ज आक्रमणको अभियोगमा ३० वर्षीय सन्तोष कार्की पक्राउ परेका हुन् । उनलाई महानगरीय प्रहरी परिसरको टोलीले महाराजगन्जस्थित भाटभटेनी सुपर मार्केट नजिकबाट गएराति साढे १० बजे पक्राउ गरेको हो ।

पछिल्लो समय उपत्यकामा सिरिन्जबाट युवतमाथि शृंखलाबद्ध आक्रमण हुँदै आएको छ । हालसम्म ५ युवती आक्रमणमा परेको प्रहरीले जनाएको छ । पक्राउ परेका युवाले सिरिन्ज नै प्रहार गरेको हो वा अन्य बस्तु हो भन्नेबारे अनुसन्धान भइरहेको प्रहरीले जनाएको छ ।

किन आक्रमण गरिएको भन्ने विषय पनि खुल्न बाँकी नै छ ।

प्रकाशित समय ०७:०६ बजे