लिबियामा विद्रोही समूहको हवाई आक्रमणमा ज्यान गुमाएका सन्तोष श्रेष्ठको शव नेपाल ल्याउने तयारी भइरहेको परराष्ट्र मन्त्रालयले जनाएको छ ।

त्रिपोलीस्थित अन्तरर्राष्ट्रिय आप्रवास संगठन (आइओएम)सँगको समन्वयमा शव ल्याउने तयारी भएको हो । युद्धग्रस्त मुलुकबाट श्रेष्ठको शव ल्याउन कठिन रहे पनि प्रयास जारी रहेको मन्त्रालयले जनाएको हो । लमजुङ बेंसीशहर–११ चिती तीनपिप्ले सानोहटियाका श्रेष्ठको यही असार १७ गते विद्रोहीको हवाई आक्रमणमा ज्यान गएको थियो । सो घटनामा ४० आप्रवासी र शरणार्थीले ज्यान गुमाएका थिए ।

प्रकाशित समय १६:४३ बजे