सप्तकोशी नदीमा पानीको बहाव घट्दै गएपछि ब्यारेजका केही ढोका बन्द गरिएका छन् । पानीको बहाव घट्दै गएकाले बिहान ७ बजे १३ वटा ढोका बन्द गरिएका हुन् । हिजो राति ब्यारेजका सबै ५६ ढोका खोलिएका थिए ।

पानीको बहाव २ लाख ९० हजार क्युसेकभन्दा तल झरेकाले केही ढोका बन्द गरिएको जिल्ला प्रहरी कार्यालय सुनसरीका प्रहरी उपरीक्षक यज्ञविनोद पोरखेरले जानकारी दिए । हिजो पानीको बहाव ३ लाख १८ हजार क्युसेकसम्म पुगेको थियो ।

कोशी ब्यारेजको पानी बहने क्षमता ९ लाख क्युसेक छ । २०६५ सालमा २ लाख ६५ हजार क्युसेकमै पूर्वतर्फको बाँध भत्कएकाले यसपटक कोशी ब्यारेज र बाँधलाई सुरक्षित राख्न प्राविधिकहरुले विशेष सतर्कता अपनाएका छन् ।

स्थानीय प्रशासनले नदी आसपासका बासिन्दालाई सतर्क रहन सचेत गराएको छ ।

प्रकाशित समय ०८:३७ बजे