बालिकालाई जबर्जस्ती बलात्कार गरेको अभियोग लागेपछि फरार रहेका साकेला गाउँपालिका–५ मात्तिमका ३४ वर्षीय तेजबहादुर राई १० वर्षपछि पक्राउ परेका छन् ।
उनलाई खोटाङ जिल्ला अदालतले २०७१ साल मंसिरमा १० वर्ष कैद हुने फैसला गरेको थियो । २०६६ साल असार २३ गते एक बालिकालाई बलात्कार गरेर भागेका राईलाई शुक्रबार प्रहरीले पक्राउ गरेको हो । राईलाई अदालत उपस्थित गराएलगत्तै कारागार चलान गरिएको प्रहरी निरीक्षक केशवकुमार कटवालले बताए । अदालतको फैसला कार्यान्वयनका लागि उनलाई आइतबार कारागार चलान गरिएको हो । (रासस)

प्रकाशित समय १९:२७ बजे