नेपालमा थप १४ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले उदयपुरका १२ र चितवनका दुई जनामा कोरोना संक्रमण भएको पुष्टि भएको जनाएको हो ।

संक्रमितमध्ये केही भारतीय पनि हुन् । चितवनका दुई जना आमाछोरा भएको जनाइएको छ । यससँगै देशभर कोरोना संक्रमितको संख्या ३० पुगेको छ ।

राप्ति नगरपालिका ८ घर भएका उनीहरू चैत ३ गते चैत ३ गते बेलायतबाट कतार एयरवेज हुँदै नेपाल आएका थिए । भरतपुर अस्पतालको आइसोलेसन वार्डमा उपचार भइरहेका उनीहरूको अवस्था सामान्य रहेको स्वास्थ्य मन्त्रालयले जनाएको छ ।

नेपालमा हालसम्म ७ हजार ७०२ जनाको कोरोना परीक्षण भइसकेको छ । जसमध्ये ७ हजार ६७२ जनामा कोरोनाभाइरस नेगेटिभ देखिएको छ भने ९० जना आइसोलेसनमा छन् ।

प्रकाशित समय १९:४१ बजे