गृहपृष्ठ दुई किशोरीमाथि जबर्जस्ती करणी अभियोगमा दुई जना पक्राउ
दुई किशोरीमाथि जबर्जस्ती करणी अभियोगमा दुई जना पक्राउ
छुट्टाछुट्टै ठाउँमा दुई किशोरीमाथि जबर्जस्ती करणी अभियोगमा दुई जना पक्राउ परेका छन् । मकवानपुरकी १६ वर्षीया किशोरीलाई जबर्जस्ती करणी गरेको अभियोगमा बकैया गाउँपालिका ६ कोल खहरे बस्ने ४८ वर्षीय काजिमान राईलाई बिहीबार दिउँसो प्रहरीले पक्राउ गरेको छ । राईले ती किशोरीलाई आफ्नै घरको कोठामा बोलाएर जबर्जस्ती करणी गरेको भन्ने खबर प्राप्त हुनासाथ खटिएको प्रहरीले उनलाई पक्राउ गरेको हो ।
त्यस्तै सिरहाकी १५ वर्षीया किशोरीलाई जबर्जस्ती करणी गरेको अभियोगमा मिर्चैया नगरपालिका ३ राघोपुरमा रहेको बजरङ इँटा उद्योगमा काम गर्ने भारत घर भएका २० वर्षीय पिन्टु भन्ने रविप्रकाश बर्मालाई पनि बिहीबार दिउँसो प्रहरीले पक्राउ गरेको छ । बर्माले ती किशोरीलाई वैशाख ३० गते जबर्जस्ती करणी गरेको भन्ने खबर प्राप्त हुनासाथ इलाका प्रहरी कार्यालय मिर्चैयाबाट खटिएको प्रहरीले उनलाई पक्राउ गरेको हो । यस सम्बन्धमा स्थानीय प्रहरीले आवश्यक अनुसन्धान गरिरहेको जनाएको छ ।
प्रकाशित समय १२:५५ बजे