मनसुन अर्थात वर्षामास, नेपालजस्तो आकासे पानीमा निर्भर खेती प्रणाली भएको मुलुकमा किसानका लागि खुसी भित्र्याउने याम औपचारिक रूपमा नेपाल प्रवेश गरेको छ ।

जल तथा मौसम विज्ञान विभागका अनुसार सामान्य समयभन्दा २ दिन ढिला गरी नेपालमा मनसुन प्रवेश गरेको हो । सामान्यतः मनसुन जुन १० मा नेपालको पूर्वी भू-भागमा प्रवेश गर्नुपर्नेमा आज जुन १२ मा प्रवेश गरेको विभागले जनाएको छ ।

विभागका अनुसार जुन ११ सम्म बंगलादेशको तटीय क्षेत्र र भुटान पश्चिम पुगेको मनसुन आज नेपालतर्फ फर्किएको हो । यो वर्ष औसत वर्षा हुने मौसम पूर्वानुमान महाशाखाले जनाएको छ ।

देशको पूर्वी भूभागबाट भित्रिएको मनसुन आजैबाट क्रमशः देशका सबै भूभागमा विस्तारित हुँदै वर्षा हुने महाशाखाले जानकारी दिएको छ । हाल देशको प्रदेश १, बागमती प्रदेश र प्रदेश ५ मा सामान्य बदलीको अवस्था रही वर्षाको सम्भावना रहेकोले सतर्क रहन विभागले अनुरोध छ ।

प्रकाशित समय १९:३२ बजे