सरकारले काठमाडाैं उपत्यकामा स्वास्थ्य संकटकाल घोषणा गरी कर्फ्यु लगाउन सक्ने गरी जिल्ला प्रशासन कार्यालयलाई अनुमति दिएको छ । उपत्यकाभित्र कोरोना संक्रमितहरूका संख्या लगातार बढ्न थालेपछि यो निर्णय लिइएको हो ।

यसअघि तीनै जिल्ला प्रशासन कार्यालय प्रमुखहरूले सरकारको अनुमति पर्खिरहेको बताएका थिए । साउन ३० गते रातिदेखि लागू हुनेगरी अत्यावश्यकबाहेकका पसल बन्द गर्न, भीडभाड, जात्रा, सभा, जुलुस, महोत्सवजस्ता गतिविधि नगर्न र सरकारले जारी गरेका स्वास्थ्यका मापदण्ड पालना गर्न उपत्यकाका तीनवटै जिल्ला प्रशासन कार्यालयले सर्वसाधारणलाई आग्रह गरेका थिए । त्यसको पालना नभएका कारण संक्रमण थप बढिरहेको स्वास्थ्यकर्मी र विज्ञहरूले बताएका छन् ।

उनीहरूको सुझावका आधारमा जिल्ला प्रशासन कार्यालयहरूले कर्फ्युका लागि स्वीकृति माग गरेका थिए ।

सरकारका प्रवक्ता अर्थ, सञ्चार तथा सूचना प्रविधिमन्त्री डा. युवराज खतिवडाले  अब प्रमुख जिल्ला अधिकारीले सम्बन्धित जिल्ला र कुनै भागमा मात्र रहने गरी निषेधज्ञा जारी गर्नसक्ने अधिकार दिइएको जानकारी दिएका छन्।

यो पनि पढ्नुहोस्

काठमाडौं उपत्यकामा निषेधाज्ञा लागू गर्ने स्थानीय प्रशासनको तयारी

प्रकाशित समय १५:५१ बजे