सिटिजन्स बैंक इन्टरनेसनलले कोरोनाभाइरसको रोकथाम तथा नियन्त्रणका लागि सरकारले स्थापना गरेको कोरोना कोषमा थप २० लाख आर्थिक सहयोग गरेको छ । बैंकले संस्थागत सामाजिक उतरदायित्वअन्तर्गत कोषमा थप २० लाख १५ हजार ५०४ रुपैयाँ सहयोग गरेको हो ।

यसअघि बैंकले प्रत्येक सरकारअन्तर्गतको कोषमा सात लाखका दरले ४९ लाख र विभिन्न स्थानीय तहमा खडा गरिएका कोषमा करिब ६ लाख रुपैयाँ जम्मा गरेको थियो । बैंकले यसबीचमा विभिन्न संघसंस्थालाई पनि ६ लाख सहयोग प्रदान गरिसकेको छ । यो सबै गरी बैंकले मंगलबारसम्ममा ८१ लाख रुपैयाँ सहयोग गरिसकेको जनाएको छ ।

प्रकाशित समय १६:०७ बजे