ललितपुरको पुल्चोकमा बिहीबार झडप नियन्त्रणमा खटिएका १८ जना प्रहरीमा कोरोनाभाइरस संक्रमण पुष्टि भएको छ । महानगरीय प्रहरी परिसर ललितपुरका इन्स्पेक्टरसहित १८ जनामा कोरोनाभाइरस संक्रमण देखिएको हो ।

महानगरीय प्रहरी परिसरका प्रवक्ता डिएसपी सन्तोष तामाङका अनुसार उनीहरूले परीक्षणका लागि कहिले स्वाब दिएका थिए भन्नेचाहिँ यकिन भएको छैन । ‘५५-५६ जनाको पिसिआर टेस्ट गराइएको थियो,’ उनले भने, ‘त्यसमा अहिलेसम्म १८ जनाको रिपोर्ट आएको हो । अरूको रिपोर्ट आउने क्रममा छ ।’

शुक्रबार नै महानगरीय प्रहरी कार्यालय रानीपोखरीका १३ जना प्रहरीमा पनि संक्रमण देखिएको छ ।

प्रकाशित समय २०:१५ बजे