सरकारले गरेको बाचा पूरा नभएपछि उखु किसानहरुले माइतीघर मण्डलामा आइतबारदेखि ‘निर्णायक’ आन्दोलन थालेका छन् । बक्यौता रकम भुक्तानीमा सम्झौता गराउने सरकारले रकम दिलाउन सहयोग नगरेको उनीहरूको गुनासो छ ।

यसपटकको आन्दोलनलाई उनीहरुले ‘निर्णायक’ बताएका छन् । किसानहरु ‘सानो छ खेत सानो छ बारी सानै छ जहान, सोनो छ देश, ठूलो छ सरकार अटेन किसान’ भन्ने ब्यानरसहित ‘किसान मार्न पाइँदैन’, ‘श्रम र पसिनाको मूल्य पाउँ’, ‘सरकार ! किसानलाई बाँच्न देऊ’, ‘उखुबाट चिनी बन्छ गुलियो, माफियाको गुलियोमा सरकार भुलियो’ लगायतका नारा लेखेका पम्पलेटसहित प्रशर्नमा उत्रिएका हुन् ।

नागरिक समाज, सञ्चारकर्मी र मानवअधिकारकर्मीलाई पनि आफ्नो व्यथा सुनाउने लगायतका कार्यक्रम पनि आयोजना गर्ने तयारी रहेको उखु किसान संघर्ष समिति सर्लाहीका संरक्षक राकेश मिश्रले बताए ।

प्रकाशित समय १६:२९ बजे