संवैधानिक आयोगहरुमा गरिएको नियुक्ति संविधानविपरीत भएको भन्दै सभामुख अग्निप्रसाद सापकोटाले दायर गरेको रिटमा सर्वोच्च अदालतले अन्तरिम आदेश दिन अस्वीकार गरेको छ । सो रिटको न्यायाधीश प्रकाश कुमार ढुंगानाको एकल इजलासमा आइतबार सुनुवाइ भएको थियो ।

उक्त रिटमा न्यायाधीश ढुंगानाले विपक्षीका नाममा अग्राधिकारसहित कारण देखाउ आदेश जारी गरेका छन्  । संवैधानिक निकायमा गरिएको नियुक्तिहरु खारेजीको माग गर्दै सभामुख सापकोटाले राष्ट्रपति, प्रधानमन्त्री, प्रधानन्यायाधीश, राष्ट्रियसभाका अध्यक्ष, सरकारका मुख्यसचिव र नियुक्ति पाएकाहरु समेत गरी ३९ जनाविरुद्ध शुक्रबार रिट निवेदन दिएका थिए ।

प्रकाशित समय १८:२३ बजे