गृहपृष्ठ नारायणगढ-मुग्लिन सडक अझै खुलेन, पहिरो हटाउन दिनभर लाग्ने

नारायणगढ-मुग्लिन सडक अझै खुलेन, पहिरो हटाउन दिनभर लाग्ने

नारायणगढ–मुग्लिन सडकखण्ड अझै खुलेको छैन । गएरातिदेखि परेको अविरल वर्षापछि विभिन्न ठाउँमा पहिरो झरेकाले सो सडकखण्ड अवरुद्ध भएको छ ।

गाईघाट, जलबिरे, कालिखोला, १७ किलोलगायतका ठाउँमा ठूलो पहिरो झरेकाले पन्छाउन समय लाग्ने नारायणगढ–मुग्लिन सडक आयोजनाका इञ्जिनीयर शिव खनालले जानकारी दिए ।

उनका अनुसार पहिरो हटाउन आज दिनभर लाग्ने छ । अहिले तीन लोडर र दुई एक्साभेटरबाट पहिरो पन्छाउने काम भइरहेको छ । पानी परिरहेकाले पहिरो हटाउन ढिलाई भएको हो । सडक अवरुद्ध भएसँगै सवारी साधन र यात्रु अलपत्र परेका छन् ।

प्रकाशित समय १२:०५ बजे

प्रतिक्रिया दिनुहोस्

सम्बन्धित शीर्षकहरु