कञ्चनपुरकी १३ वर्षीया बालिका निर्मला पन्तको बलात्कारपछि हत्या प्रकरणमा प्रमाण नष्ट गरेको आरोपमा निलम्बनमा परेका एसपी डिल्लीराज विष्टका छोरा किरणले आफू अन्यायमा परेको भन्दै प्रधानमन्त्री केपी ओलीलाई खुलापत्र लेखेका छन् ।

निर्मलाको बलात्कारपछि हत्यामा किरणको संलग्नता रहेको आशंकामा डीएनए परीक्षण गरिएको थियो । डीएनए रिपोर्टबाट निर्दोष रहेको पुष्टि हुँदा पनि आफ्नो र परिवारको नाम जोडेर चरित्र हत्या गर्ने काम भइरहेको भन्दै उनले सामाजिक सञ्जाल फेसबुकबाट प्रधानमन्त्रीलाई खुलापत्र लेखेका हुन् ।

पत्रमा किरणले भनेका छन्, ‘आफू निर्दोष हुँदाहुँदै पनि चरित्र हत्या गरियो, निर्मला बहिनीले न्याय पाउनुपर्छ भन्ने पक्षमा छु, तर मलाई मानसिक याताना दिइएको छ ।’

उनले राष्ट्रिय मानवअधिकार आयोग र उच्चस्तरीय छानबिन समितिको प्रतिवेदनप्रति समेत असन्तुष्टि जनाएका छन् । गत साउन १० गते घरबाट साथी रोशमी बमको घरमा हिडेकी निर्मला भोलीपल्ट मृत अवस्थामा फेला परेकी थिइन् ।

किरणले प्रधानमन्त्रीलाई लेखेको पत्र

प्रकाशित समय १२:१६ बजे