पाकिस्तानले न्युजिल्याण्ड विरुद्धको तेस्रो तथा अन्तिम टी–ट्वेन्टी खेलमा ४७ रनको जित हात पारेको छ । यो सँगै अष्ट्रेलियापछि न्युजिल्याण्डलाई पनि पाकिस्तानले क्लिन स्विप गरेको छ । बाबर अजामले नयाँ किर्तीमान बनाएका छन् ।

गएराति युएइमा भएको खेलमा टस जितेर ब्याटिङ गरेको पाकिस्तानले निर्धारित २० ओभरमा तीन विकेटको क्षतिमा एक सय ६६ रन बनाएको थियो । बाबर अजामले आक्रमक ब्याटिङ गर्दै टिमलाई उच्च स्कोरमा पुर्याएका थिए । मोहम्मद हाफिजजे ५३ र सोयव मलिकले १९ रन जोडे ।

एक सय ६७ रनको लक्ष्य पछ्याउने क्रममा न्युजिल्याण्ड १६ ओभर ५ बलमा एक सय १९ मै रोकियो । तीन खेलाडीले मात्र दोहोरो अंक जोडे भने बाँकी खेलाडी सस्तैमा आउट भए । कप्तान केन विलियम्सनले ६० रन र ग्लेन फिलिप्सले २६ रन बनाए पनि हार टार्न भने सकेनन् ।

न्युजिल्याण्डलाई सस्तैमा समेट्न सादाव खानले तीन तथा इमाद वासिम र वकास मक्सुदले समान दुई–दुई विकेट लिए ।

टी–२० क्रिकेटमा कम खेलमा एक हजार रन पूरा गर्ने बाबर अजाम पहिलो खेलाडी बनेका छन् । भारतीय कप्तान विराट कोहलीको २७ खेलबाट हजार रन पुरा भएको थियो अजामले भने २६ खेलबाटै पूरा गरे ।

प्रकाशित समय ०९:०३ बजे