स्वीडेनकी १६ वर्षीया किशोरी यस वर्षको नोबेल शान्ति पुरस्कारका लागि मनोनयनमा परेकी छन् । जलवायु परिवर्तनविरुद्ध अभियान चलाएकी १६ वर्षीया किशोरी ग्रेटा थन्बर्ग मनोनयनमा परेकी हुन् । उनले जलवायु परिवर्तनको विषयमा हस्ताक्षर संकलन गरी संसदलाई बुझाएकी थिइन् ।सर्वसाधारणलाई पर्चा समेत बाँडेकी थिइन् ।

उनले हरेक शुक्रबार जलवायु परिवर्तन सम्बन्धि विभिन्न कार्यक्रम गर्दै आएकी छन् । गत डिसेम्बरमा पोल्यान्डमा राष्ट्रसंघीय जलवायू वार्तामा सम्वोधन गरेपछि चर्चामा आएकी थिइन् ।

उनले पुरस्कार प्राप्त गरिन् भने पाकिस्तानकी मलाला युसाफजाईको १७ वर्षको रेकर्ड तोड्नेछिन् । पुरस्कार आगामी अक्टोबरमा घोषणा गरिने छ भने डिसेम्बरमा प्रदान गरिने छ । सन् २०१९ को नोबेल शान्ति पुरस्कारका लागि ३०१ मनोनयन परेका छन् ।

प्रकाशित समय १५:२३ बजे