इन्डियन प्रिमियर लिग(आईपीएल)को छैटौं खेलमा कोलकता नाइट राइडर्सले किंग्स इलाभेनलाई २८ रनले पराजित गरेको छ ।

वेस्ट इन्डिजका आन्द्रे रसेलले उत्कृष्ट अलराउण्डर प्रर्दशनी गरेपछि पन्जाव २८ रनले पराजित भएको हो । बुधबार रातिको खेलमो पन्जावलाई २८ रनले हराएसँगै कोलकता अंक तालिकामा शिर्ष स्थानमा उक्लिएको छ । २ सय १९ रनको लक्ष्य पछ्याएको पन्जावले २० ओभरमा ४ विकेट गुमाउँदै १ सय ९० रन मात्र बनाउन सक्यो ।

पन्जावका मयंक अग्रवालले ३४ बलमा ६ चौका र १ छक्का प्रहार गर्दै ५८ रन बनाए । डेविड मिलरले ५९ र मन्दीप सिंह ३३ रनमा अविजित रहँदा पनि टिमलाई भने जित दिलाउन सकेनन् । क्रिस गेल २०, केएल राहुल १, सरफराज खानले १३ रन जोडेका थिए । कोलकताका आन्द्रे रसेलले ३ ओभरमा २१ रन खर्चेर २, पियुष चवला र लोकी फ्रग्र्युसनको नाममा समान एक विकेट लिए ।

इडेन गार्डेनमा टस हारेर पहिला ब्याटिङ थालेको कोलकताले निर्धारित ओभरमा ४ विकेटको क्षतिमा २ सय १८ रनको विशाल योगफल बनाएको थियो । विशाल योगफल तयार पार्न आन्द्र रसेलले मात्र १७ बलमा ५ छक्का र ३ चौका प्रहार गर्दै ४८ रन जोडे । नितिश रानाले ६३, क्रिस लिन १०, सुनिल नारायण २४ रनमा आउट भए । रोविन उथप्पा ६७ रनमा अविजित रहे ।

जितसँगै कोलकता २ खेलमा २ मा नै जित निकाल्दै शिर्ष स्थानमा उक्लिएको छ । चेन्नई २ खेलमा २ मा जित निकाल्दै दोस्रो स्थानमा छ । पन्जावले आफ्नो तेस्रो खेल आगमी ३० मार्चमा मुम्बई इन्डियन्ससँग खेल्ने छ । त्यस्तै कोलकताले पनि ३० मार्चमा दिल्ली क्यापिटल्ससँग खेल्दै छ ।

प्रकाशित समय ०७:४२ बजे