पूर्व क्षेत्रमा क्रिकेटको स्तर खस्किइरहेका बेला पहिलो पटक विराटनगरमा निजी क्षेत्रको लगानीमा अन्ताष्ट्रिय मापदण्डअनुसारको संरचना भएको क्रिकेट प्रशिक्षण केन्द्र सञ्चालनमा आएको छ ।
क्रिकेटमा आफ्नो भविष्य बनाउन चाहने खेलाडीहरुलाई स्थान दिन विराटनगरका क्रिकेटप्रेमी युवाहरुको अग्रसरतामा करिब २० लाख रुपैयाँको लागतमा क्रिकेट प्रशिक्षण केन्द्र सञ्चालनमा आएको हो ।
विराटनगरलगायत आसपासको क्षेत्रमा क्रिकेट प्रशिक्षण केन्द्रको अभाव भइरहेका बेला विराटनगरस्थित सोमबारे हाटमा क्रिकेट क्लब एण्ड एकाडेमी सञ्चालनमा ल्याइएको एकाडेमीका सचिव अभिषेक श्रेष्ठले जानकारी दिए ।
विहानवेलुका दुई सेशनमा सञ्चालन गरिने क्रिकेट प्रशिक्षण केन्द्रमा नेपालबाट पटकपटक अन्तराष्ट्रिय प्रतियोगिता खेलीसकेका पूर्वराष्ट्रिय खेलाडी राजकुमार प्रधानले प्रशिक्षण दिन्छन् ।
एकेडेमीमा व्याटिङ, वलिङ, फिल्डिङलगायत क्रिकेटकमा सवै विधा सिकाइने गरिएको छ । यसमा ३ वटा सिमेन्टेङ पिच, ५ वटा नेट, ३ वटा वलिङ मेशिनलगायतका सुविधा रहेको सचिव श्रेष्ठले जानकारी दिए ।
उनले एकाडेमिमा हालसम्म ७० जनाले प्रशिक्षण लिइरहेको बताए । सचिव श्रेष्ठले उक्त एकेडेमीमा प्रशिक्षण लिन चाहनेहरुले भर्ना शुल्क २ हजार रुपैया बुझाउनु पर्छ ।
प्रशिक्षण लिने महिला खेलाडीका लागि मासिक ५ सय र पुरुष खेलाडीका लागि १ हजार रुपैया शुल्क लिइने गरेको विराटनगर एकेडेमीले जनाएको छ । सचिव श्रेष्ठले भने ‘निजि क्षेत्रको लगानीमा सुरु गरिएको प्रशिक्षण केन्द्र विराटनगरमा पहिलो हो ।
त्यसो त अन्तराष्ट्रिय मापदण्डका संरचना भएको केन्द्रमा प्रशिक्षण लिन पाउँदा खुशि लागेको खेलाडीहरुले बताए । उनीहरुले एकेडेमी खेलाडीहरुका लागि अवसर भएको बताए । उनीहरुले अन्तराष्ट्रिय खेलाडीबाट प्रशिक्षण लिन पाउँदा खुशि लागेको बताए । विराटनगरका खेलाडी श्रवण किस्कुले भने ‘हामी क्रिकेट पहिला पनि खेल्थ्यौँ । सैद्धान्तिक र ब्यवहारिक ज्ञान थिएन । यहाँ डेढ महिनादेखि सिकिरहेको छु । हाम्रा लागि यो राम्रो अवसर हो ।’
क्रिकेट प्रशिक्षक प्रधानले विराटनगर क्षेत्रमा क्रिकेट खेलको स्तरमा गिरावट आएकाले उकास्न प्रशिक्षक भएर यहाँ आएको बताए । उनले हाल प्रशिक्षणमा रहेका खेलाडीहरुको प्रदर्शन राम्रो हुँदै गएको बताउँदै एकेडेमीमा प्रशिक्षण लिएका खेलाडीहरु विभिन्न उमेर समुहको प्रदेश टिममा पर्न सफल भएको बताए ।

प्रकाशित समय १६:४२ बजे