१३ औं दक्षिण एसियाली खेलकुद (साग) अन्तर्गत पुरुष फुटबलको दोस्रो खेलमा नेपाल श्रीलंकासँग बराबरीमा रोकिएको छ । अन्तिम समयमा अग्रता जोगाउन नसक्दा नेपाल श्रीलंकासँग अंक बाँड्न बाध्य भयाे ।

दशरथ रंगशालामा बुधबार भएको आफ्नो दोस्रो खेलमा नेपालले श्रीलंकासँग १-१ गोलको बराबरी खेलेको हो । नेपालका कप्तान सुजल श्रेष्ठले ३७ मिनेटमा पेनाल्टीमार्फत गोल गर्दै नेपाललाई अग्रता दिलाएका थिए ।

श्रीलंका मोहम्मद अकिबले ९१ मिनेटमा फ्रिकिकमार्फत गोल गर्दै खेललाई बराबरीमा रोक्न सफल भए ।

प्रकाशित समय १९:३४ बजे