चीनबाट विश्वमा व्यापाक रुपमा फैलिएको कोरोना भाइरसबाट संक्रमित हुनेको संख्या दिनानुदिन बढ्दै गएकाे छ । चीनमा आइतबार मात्रै कोरोना भाइरसको संक्रमणबाट १०० जनाको ज्यान गएको चाइना डेलीले जनाएको छ ।

भाइरसबाट चीनमा ७० हजार ५ सय ४८ जना संक्रमित भएको र १७ सय ७० जनाको ज्यान चिनियाँ स्वास्थ्य विभागलाई उदृत गर्दै अन्तराष्ट्रिय सञ्चार माध्यमहरुले जनाएका छन् । अघिल्लाे दिन शनिबार मात्रै चीनमा कोरोना भाइरसबाट १४२ जनाको ज्यान गएको थियो ।

चीन बाहिर कोरोना भाइरसबाट सोमबार बिहानसम्म जापानमा २, हङकङमा १, फ्रान्समा १ र फिलिपिन्समा १ जनाले ज्यान गुमाएका छन् । हालसम्म २५ देशमा फैलिएको कोरोना भाइरसबाट एक हजार बढी मानिसहरु संक्रमित भएका छन् ।

साे भाइरस जापानमा ४ सय बढी व्यक्तिमा देखा परेको छ ।

प्रकाशित समय ०९:१२ बजे