अमेरिकामा कोरोना भाइरस (कोभिड १९) का कारण ज्यान गुमाउनेको संख्या एकै दिन २५ सय नाघेको छ । शनिवार बिहानसम्म अमेरिकामा ३७ हजार १५४ जनाले ज्यान गुमाई सकेका छन् ।

गएको २४ घण्टामा मात्रै दुई हजार ५३५ जनाको ज्यान गएको वर्ल्डोमिटरको तथ्यांकले देखाएको छ । त्यस्तै ३२ हजार १६५ जनामा नयाँ संक्रमण देखिएको छ । यो समाचार तयार पार्दासम्म अमेरिकामा सात लाख ९ हजार ७३५ जनामा संक्रमण देखा परेको त्यहाँको स्वास्थ्य विभागले जनाएको छ ।

विश्वभर कोरोना संक्रमितको संख्या २२ लाख ४८ हजार ८९१ पुगेको छ भने सञ्चो हुनेको संख्या पाँच लाख ७१ हजार ५७३ पुगेको छ । त्यस्तै ५६ हजार ९६३ जना संक्रमितको अवस्था गम्भीर रहेको छ ।

प्रकाशित समय ०७:०३ बजे