गण्डकी प्रदेशमा थप १८ जनामा कोरोना संक्रमण पुष्टि भएको छ । अध्यावधिक विवरणअनुसार गण्डकी प्रदेशमा कोरोना संक्रमितको संख्या २२३ पुगेको छ ।

गण्डकी प्रदेशका पाँच जिल्ला स्याङ्जा, गोरखा, नवलपरासी,  कास्की र बागलुङमा थप १८ जनामा कोरोना संक्रमण भेटिएको हो । स्याङ्जामा ४, गोरखामा १०, नवलपरासीमा २ तथा कास्की र बागलुङमा एक/एक जनामा संक्रमण देखिएको स्वास्थ्य निर्देशनालय गण्डकीका निर्देशक डा. विनोद विन्दु शर्माले जानकारी दिए ।

उनीहरु सबै भारतबाट फर्किएका हुन् । अहिले उनीहरु सबैजना सम्बन्धित जिल्लाको क्वारेन्टिनमा रहेको शर्माले बताए । उनीहरु सबैलाई सम्बन्धित जिल्लामा रहेका आईसोलेसन कक्षमा लैजाने तयारी भइरहेको छ ।

प्रकाशित समय ०७:१९ बजे