देशका विभिन्न प्रयोगशालामा गएको २४ घण्टाभित्र गरिएको परीक्षणबाट ३१६ जनामा कोरोनाभाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार थपिएका संक्रमितमध्ये  विभिन्न जिल्लाका ७१ महिला र २४५ पुरूष रहेका छन् ।

योसँगै नेपालमा कोरोना संक्रमितको संख्या १३ हजार ५ सय ६४ पुगेको मन्त्रालयका प्रवक्ता डा. जागेश्वर गौतमले मंगलबारको नियमित प्रेस ब्रिफिङमा जानकारी दिए । नयाँ संक्रमितमा काठमाडौं उपत्यकाकामात्रै १४ जना रहेका छन् । काठमाडौंका १२ जना, भक्तपुरका १ र ललितपुरका १ जना मा संक्रमण पुष्टि भएको मन्त्रालयले जनाएको छ ।

यसैगरी बितेको २४ घण्टामा थप ६० जना कोरोनाभाइरस संक्रमणमुक्त भएका छन् । जसमा ९ महिला र ५१ पुरुष गरी ६० जना छन् । यससँगै संक्रमणमुक्त हुनेको संख्या ३ हजार १९४ जना पुगेको छ ।

प्रकाशित समय १६:३८ बजे