नेपालको अग्रणी मोबाइल वालेट सेवामध्येको डिजीपेसँगको सहकार्यमा सुरू गरिएको ‘डिजीपे लकडाउन गट ट्यालेन्ट’ प्रतियोगिताको अन्तिम राउन्डको भोटिङ उत्साहजनक रहेको आयोजकस्टेट एड मिडियाले जनाएको छ ।

अन्तिम राउन्डमा प्रवेश गरेका ५० मध्ये ४८ प्रतिष्पर्धीहरूले आफ्नो भिडियो पठाइसकेको आयोजक स्टेट एड मिडियाकी कार्यकारी अध्यक्ष शालिनी नेपालले जानकारी दिइन । ‘प्रतियोगितामा टिकटकका जस्ता अमेच्योर भिडियोमात्र होइन, व्यावसायिकरूपमा खिचेर सम्पादन गरिएका भिडियो पनि आएका छन्,’ नेपालले भनिन ।

प्रतियोगितामा १० वर्षकी बालिकादेखि चिकित्सकसम्म र नेपालबाहेक अष्ट्रेलिया, पोर्चुगल र अमेरिकासम्मबाट सहभागिता भएको प्रतियोगिताका सहआयोजक एवं मुख्य प्रायोजक डिजीपेका प्रमुख कार्यकारी अधिकृत दिवाकर पाण्डेले बताए ।

प्रतियोगितामा नृत्य, गायन, संगीतको मात्र होइन, छाउपडी प्रथाविरुद्ध जनचेतना जगाउने सर्ट-मुभी पनि सहभागी भएको उनले जानकारी दिए ।

यो यस्तो युनिक प्रतियोगिता हो, जसको कुनै निर्णायक (जज)  छैनन्, सामाजिक सञ्जालहरूमा अत्यधिक सेयर, लाइक र कमेन्टकै आधारमा विजेता छानिनेछ । प्रतियोगिताका आयोजक स्टेट एट मिडियाका कार्यकारी अध्यक्ष नेपालका अनुसार २ महिनाको अवधिमा २०० भन्दा अधिक भिडियो प्रतियोगितामा सहभागिताका लागि प्राप्त भएको थियो ।

विजेताहरूले मिस एलजीटी र मिस्टर एलजीटीका रूपमा नगद २५-२५ हजार रूपैयाँ र गिफ्ट भौचर पाउने डिजीपेका काार्यकारी प्रमुख पाण्डेले जानकारी दिए ।

डिजीपे मुख्य प्रायोजक रहेको प्रतियोगितामा नेटम्याक्स ग्लोबेन्सी, बेननेभिज, एलओडी, लस इक्सोबार्स, क्यूएफएक्स, टिटाइम कफी ब्रेक र इजीकेयर सहप्रायोजक छन् । अफिसियल प्रमोटरका रुपमा नेपाली म्युजियर रहेको प्रतियोगिताको अफिसियल मिडिया पार्टनर न्युज कारोबार डिजिटल मिडिया रहेको छ भने अफिसियल डिजिटल मार्केटिङ पार्टनर डिजिटल बाजे र अफिसियल बैंक एनसीसी बैंक रहेको छ ।

प्रकाशित समय १३:०९ बजे