केही दिनयता नेपालमा कोरोना संक्रमण फैलने क्रम बढ्दो देखिएको छ । पछिल्लो २४ घन्टामा ३ सय ६० जनामा कोरोनाभाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।

बिहीबारकाे नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले विभिन्न जिल्लामा थपिएकासहित देशभर संक्रमितको संख्या २१ हजार ७ सय ५० पुगेको जानकारी दिए । उनका अनुसार काठमाडौं उपत्यकामा ८७ जना कोरोना भाइरस संक्रमित थपिएका छन् । काठमाडौंमा ७६, भक्तपुरका १ र ललितपुरमा १० जनामा कोरोना संक्रमण पुष्टि भएको हो ।

पछिल्लो २४ घण्टामा ६ हजार ६ सय २२ जनाको पीसीआर परीक्षण गरिएकाे छ । हाल देशभर ९ हजार ४ सय ७० क्वारेन्टिनमा रहेका छन् । मन्त्रालयका अनुसार नेपालमा सक्रिय संक्रमितको संख्या ६ हजार २ सय ९६ रहेकाे छ ।

संक्रमितमध्ये १५ हजार ३ सय ८९ जना उपचारपछि घर फर्किएका छन् । बिहीबार थप २३३ जना डिस्चार्ज भएका छन् । ६५ जनाको कोरोना भाइरसको संक्रमणबाट मृत्यु भएको छ ।

प्रकाशित समय १६:३३ बजे