उपत्यकामा नोवेल कोरोनाभाइरस (कोभिड १९) संक्रमण बढ्दै गएपछि काठमाडौं जिल्ला प्रशासन कार्यालयले विभिन्न कामकारबाही तथा व्यवसाय गर्न निषेध गरेको छ । काठमाडौंका प्रमुख जिल्ला अधिकारी जनकराज दाहालले शुक्रबार विभिन्न गतिविधि निषेध गरिएको आदेश जारी गरेका हुन् । साउन ३० गते राति १२ बजेबाट भदौ १५ गतेसम्म यो नियम लागू हुनेछ ।

काठमाडौँ प्रशासनको निर्णयअनुसार भदौ १५ गतेसम्म खुला स्थानमा मानिस जम्मा हुन पाइने छैन । भीडभाड, सभा‑सम्मेलन र जुलुस गर्न तथा जात्रा महोत्सवमा बन्देज लागेको छ । दैनिक नित्यपूजाबाहेक सम्पूर्ण धार्मिक गतिविधि पनि बन्द गर्नुपर्नेछ । त्यसैगरी, स्वास्थ्य मापदण्डविपरीतका गतिविधि, धार्मिक तथा सांस्कृतिक कार्यसम्बन्धी जमघटलगायतलाई निषेध गरिएको जारी सूचनामा उल्लेख छ । त्यस्तै शैक्षित संस्था पनि सञ्चालन गर्न पाइने छैन ।

प्रकाशित समय २०:२८ बजे