नेपालमा कोरोना संक्रमितको संख्या ३१ हजार नाघेको छ । पछिल्लो २४ घन्टाभित्र विभिन्न जिल्लाका ६ सय ३४ जनालाई कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

थपिएकासहित अब देशभर संक्रमितको संख्या ३१ हजार १ सय १७ पुगेको मन्त्रालयका प्रवक्ता डा. जागेश्वर गौतमले जानकारी दिए । उनका अनुसार गत २४ घण्टामा काठमाडौं उपत्यकामा थप २१६ जनामा कोरोना संक्तमण पुष्टि भएको छ । जसमा काठमाडौंका १६०, ललितपुरका ६ र भक्तपुरका ५० जना रहेका छन् ।

मन्त्रालयका अनुसार पछिल्लो २४ घण्टामा १३६ जना काेराेनामुक्त भएका छन् । अब निकाे हुनेकाे कुल संख्या १८ हजार ३५० पुगेको छ ।

शनिबारसम्म सक्रिय संक्रमितको संख्या १२ हजार ६२१ जना रहेका छन् । जसमा संस्थागत आइसोलेसनमा ८ हजार ७०५ जना रहेका छन् । यस्तै होम आइसोलेशनमा ३ हजार ९१६ जना रहेका छन् ।

नेपालका काेराेनाका कारण ज्यान गुमाउनेकाे संख्या १४६ पुगेको हो । पछिल्लाे २५ घण्टाभित्र सुनसरीका २, पर्साका ३, बाराका १, सिरहाका १, मकवानपुरका १ र भक्तपुरका १ गरी ९ जनाको मृत्यु भएको हो ।

प्रकाशित समय १६:२८ बजे