सेयर बजार परिसूचक नेप्से करिब स्थिर रहिरहँदा जलविद्युत समूह भने एक सातामै करिब ८० अंकले उकालो लागेको छ । गत साता मंगलबार १२१३ अंकमा रहेको जलविदयुत समूह बुधबार (आज) १२९२ अंकमा उक्लिएको हो ।

बुधबार समग्र बजार परिसूचक भने ३ अंकले घटेको छ । विकास बैंक, जलविद्युत, वित्त र म्युचुअल फन्ड उपसमूह बढे पनि बैंक, व्यापार, होटल, जीवन बिमा, उत्पादनमूलक, अन्य, निर्जीवन बिमा र लघुवित्त समूह घटेपछि समग्र बजार परिसूचक ३.१९ अंकले घटेर १५५०.४३ अंकमा झरेको छ ।

आज पनि जलविद्युत समूहमा उछाल आयो । १९० कम्पनीको कारोबार हुँदा ५० कम्पनी बढ्दा सर्वाधिक बढ्ने १० कम्पनीको सूचीमा ९ जलविद्युत कम्पनी छन् । जोशी हाइड्रोपावर, घलेम्दी हाइड्रो, आँखुखोला जलविद्युत् कम्पनी, युनियन हाइड्रोपावर, पञ्चकन्या माई हाइड्रोपावर, खानीखोला हाइड्रोपावर, दिव्येश्वरी हाइड्रोपावर र हिमाल दोलखा हाइड्रोपावर कम्पनीको सेयर मूल्य ९ प्रतिशतभन्दा धेरैले बढेको छ ।

त्यस्तै, बुधबार कामना सेवा विकास बैंकको सेयर मूल्य सर्वाधिक बढेको छ भने कर्णाली डेभलपमेन्ट बैंकको सेयर मूल्य पनि ९ प्रतिशतले उकालो  लागेको छ ।

प्रकाशित समय १९:३६ बजे