काठमाडौं महानगरपालिकामा मात्रै २३ हजारभन्दा बढी संक्रमितकाठमाडौं महानगरपालिकामा मात्रै २३ हजारभन्दा बढी संक्रमित

देशभर केही समययता कोरोना संक्रमितका बिरामी बढ्दै गइरहेका छन् । त्यसमा पनि सबैभन्दा बढी संक्रमित काठमाडौं जिल्लामा भेटिएका छन् ।

काठमाडौं महानगरपालिकामा कार्तिक ११ गतेसम्मको तथ्यांकअनुसार कोरोना संक्रमित हुनेको कुल संख्या २३ हजार २७७ जना रहेको छ । जसमध्ये ८ हजार २४२ जना होमआइसोनमा रहेका छन् । त्यस्तै अस्पतालमा ५५८ जना, संस्थागत आइसोलेसनमा २६३ जना छन् ।

काठमाडौं महानगरपालिकाको तथ्यांकअनुसार कार्तिक ११ गतेसम्ममा जम्मा सक्रिय संक्रमितको संख्या ९ हजार ६३ जना रहेको छ । अहिलेसम्म १३२ जनाले ज्यान गुमाएका छन् भने १४ हजार ८२ जना निको भएर घर फर्किएका छन् ।

महानगरपालिकामा ११ गतेसम्म २२ हजार ६३७ पीसीआर गरिएकोमा ४ हजार ५७४ जनाको पोजिटिभ रिपोर्ट आएको महानगरपालिकाले जनाएको छ । महानगरपालिकाका ३२ वडामध्ये सबैभन्दा बढी संक्रमित वडा १६ मा एक हजार ८२० जना संक्रमित देखिएका छन् । त्यसपछि वडा १५ मा एक हजार ६८६ जना संक्रमित छन् ।

हाल देशभर एक लाख ६२ हजार ३५४ जना संक्रमित पुगेको छ भने ८८७ जनाको मृत्यु भएको छ । कोरोनाबाट एक लाख २१ हजार ८२४ जनाको डिस्चार्ज भइसकेका छन् ।

प्रकाशित समय १३:५७ बजे