राष्ट्रपति निर्वाचनको नतिजाको व्यग्र प्रतीक्षा भइरहेको समयमा अमेरिकामा एकैदिन एक लाख २७ हजार जनामा कोरोना संक्रमण देखिएको छ । जोन्स हप्किन्स विश्वविद्यालयको तथ्यांकअनुसार अमेरिकामा कुल संक्रमितको संख्या एक करोड नजिक पुगेको छ ।

अमेरिकामा महामारी सुरु भएयता २ लाख ३६ हजार जनाले कोभिड-१९ का कारण ज्यान गुमाइसकेका छन् । संक्रमितको कुल संख्या र मृत्यु भएको संख्याअनुसार अमेरिका कोरोना भाइरस महामारीबाट सबभन्दा धेरै प्रभावित देश बनेको छ ।

मिडवेस्टर्न राज्यहरू नर्थ डेकोटा साउथ डेकोटा, आयोवा तथा विस्कन्सिनमा धेरै संक्रमण फैलिएको छ । टेक्सस राज्यमा मात्रै संक्रमितको संख्या १० लाख पुग्न लागेको छ । सबैभन्दा धरै संक्रमित भएको क्यालिफोर्नियालाई उसले उछिन्न लागेको तथ्यांकले देखाएको  छ ।

प्रकाशित समय ११:१९ बजे