गृहपृष्ठ सरकारविरूद्ध देशव्यापी प्रदर्शन हुनुअघि संवैधानिक परिषद्को बैठक राख्नु संशयपूर्ण : कांग्रेस
सरकारविरूद्ध देशव्यापी प्रदर्शन हुनुअघि संवैधानिक परिषद्को बैठक राख्नु संशयपूर्ण : कांग्रेस
प्रधानमन्त्री केपी शर्मा ओलीले आइतबारका लागि बोलाएको संवैधानिक परिषद्को बैठकमा कांग्रेस सभापति शेरबहादुर देउवा सहभागी नहुने भएका छन् । प्रधानमन्त्री ओलीले परिषदको बैठक भोलि आइतबार बिहान ९ बजे बोलाएका छन् ।
कांग्रेसले २९ गते सरकारविरूद्ध देशव्यापी प्रदर्शन गर्न लागेको बेला बैठक राखेकाले संशय उत्पन्न भएको कांग्रेस नेताहरु बताउँछन् । प्रधानमन्त्री ओलीले शुक्रबार कांग्रेस सभापति देउवासँग भेट गरेका थिए । कांग्रेसको विरोध प्रदर्शन तय भएको बेला बैठक राख्नु उचित नभएको पनि कांग्रेसका नेताहरुले बताएका छन् ।
प्रकाशित समय १५:५० बजे
