ईरानको दक्षिण पश्चिमी शहर अहवाजमा सैन्य परेडका क्रममा हतियारधारी समूहले गोली चलाउँदा २० भन्दा बढी मानिसको मृत्यु भएको छ । अधिकारीहरुका अनुसार आक्रमणमा परी अन्य कैयाँ मानिस घाइते भएका छन् ।

ईरानको समाचार एजेन्सी फार्सले स्थानीय समयअनुसार विहान ९ बजे आक्रमण सुरु भएको बताएको छ । करिब १० मिनेट लगातार गोली चलेको थियो । एजेन्सीका अनुसार आक्रमणमा चार जना व्यक्ति संलग्न थिए ।

आक्रमणकारीले सर्वसाधारणमाथि गोली चलाएका र मन्चमा रहेका सैन्य अधिकारीलाई निशाना बनाउने प्रयास गरेका विवरणहरुमा उल्लेख गरिएको छ । हतियारधारी आक्रमणकारीले परेडका लागि बनाइएका मन्च नजिकै रहेको पार्कबाट आक्रमण गरेका हुन् । प्रहरीले दुई आक्रमणकारीलाई मारिदिएको छ भने अन्य दुई जनालाई गिरफ्तार गरेको बताइएको छ । इरानको रिभोलुशनरी गार्ड्सका प्रवक्ताले आक्रमण सुन्नी अलगाववादीहरुले गरेको बताएका छन् । उक्त सैन्य परेड ईरान–इराक युद्ध शुरुवातको ३० औँ वर्षगाँठ मनाउनका लागि आयोजना गरिएको थियो । अहवाज भन्ने ठाउँ खजेस्तान प्रान्तमा पर्छ जहाँ अरबीहरुको एउटा ठूलो समुदाय छ । अहिलेसम्म कुनै पनि संगठनले आक्रमणको जिम्मा लिएको छैन ।

प्रकाशित समय १७:४३ बजे