राष्ट्रपति श्रीमती विद्यादेवी भण्डारीले  गणतन्त्र भारतका लागि नेपालको आवासीय राजदूत पदमा निलाम्बर आचार्यलाई नियुक्ति गरेकी छिन् ।
नेपालको संविधानको धारा २८२ को उपधारा (१) बमोजिम मन्त्रिपरिषद्को सिफारिसमा  आचार्यलाई भारतका लागि नेपालको आवासीय राजदूत पदमा नियुक्त गरिएको हो । आज एक प्रेश विज्ञप्ती जारी गर्दै राष्ट्रपति कार्यालयका प्रवक्ता छविन्द्र पराजुलीले राजदुत नियुक्ती गरिएको जानकारी दिएका हुन् ।

मन्त्रिपरिषदबाट भारतका लागि राजदूतमा सिफारिस भएका आचार्यलाई गत मंसिर २३ गते बसेको संसदीय सुनुवाई समितिको बैठकले अनुमोदन गरेको थियो ।

यसैबीच, भारतका लागि नवनियुक्त राजदूत  आचार्यले आइतबारै राष्ट्रपति विद्यादेवी भण्डारीसमक्ष पद तथा गोपनीयताको सपथ लिएका छन् । सरकारले गरेको नयाँ व्यवस्थाअनुसार राजदूत  आचार्यले पहिलो पटक राष्ट्रपतिसमक्ष पद तथा गोपनीयताको सपथ लिएका हुन् ।

प्रकाशित समय १६:०४ बजे