प्रधानमन्त्री केपी शर्मा ओलीले १३औं दक्षिण एसियाली खेलकुद (साग)मा नेपालको तर्फबाट पदक विजेता खेलाडी, प्रशिक्षक र पदाधिकारीहरुलाई बालुवाटार बोलाएका छन् । सामूहिक भेट गरी खेलाडी र पदाधिकारीहरूलाई  प्रधानमन्त्री केपी शर्मा ओलीले भेटेर बधाई दिने भएका छन् ।

भेटका लागि बुधबार दिउँसो सवा २ बजेको समय निर्धारण गरिएको प्रधानमन्त्रीको सचिवालयले जनाएको छ । सो अवसरमा प्रधानमन्त्रीले खेलाडीहरुलाई सम्बोधन गर्ने र प्रोत्साहनस्वरुप पुरस्कारसमेत घोषणा गर्ने तयारी छ ।

प्रधानमन्त्री ओली स्वास्थ्यका कारण सागको उदघाटन र समापन समारोहमा सहभागी हुन सकेका थिएनन् । मंगलबार भएको समापन समारोहमा उनले भिडियो सन्देश पठाएका थिए । सागमा नेपालले ५१ स्वर्ण, ६० रजत र ९५ कास्य पदक जित्दै दोस्रो स्थान हासिल गरेको छ ।

प्रकाशित समय ११:४२ बजे