काठमाडौं– सिभिल बैंक लिमिटेडले आफ्नो दमक शाखा सञ्चालनमा ल्याएको अवसरमा सामाजिक उत्तरदायित्व कार्यक्रमअन्तर्गत महालक्ष्मी आधारभूत विद्यालय, दमकलाई बेन्च हस्तान्तरण गरेको छ । महालक्ष्मी आधारभूत विद्यालय, दमकको वाषर््िाकोत्सवको अवसरमा आयोजित कार्यक्रममा बैंकले बेन्च हस्तान्तरण गरेको हो ।
सो बेन्च सिभिल बैंकका विराटनगर क्षेत्रका क्षेत्रीय प्रबन्धक सन्तोषकुमार बुढाथोकीद्वारा विद्यालयका व्यवस्थापन समितिका अध्यक्ष राजु तामाङ तथा दमकन नगरपालिका–९ का अध्यक्ष रामबहादुर धिमाललाई संयुक्त रूपमा हस्तान्तरण गरेका हुन् ।
कार्यक्रममा विद्यालयका सञ्चालक समितिका पदाधिकारी, विद्यार्थीहरू, अभिभावक तथा सो क्षेत्रका उद्योगी, व्यवसायी, समाजसेवीलगायत गन्यमान्य व्यक्ति तथा सर्वसाधारणको बाक्लो उपस्थिति रहेको थियो । शिक्षा नै समृद्धिको आधार भएको मनन गर्दै महालक्ष्मी आधारभूत विद्यालय, दमकलाई बेन्च हस्तान्तरण गरेको बैंकका बजार प्रबन्धक सुजितकुमार शाक्यले बताए ।

प्रकाशित समय १३:०५ बजे